AİDA MAHMUDOVA CƏNNƏT GÖZLƏYƏ BİLƏR ZURAB TSERETELİ MÜASIR İNCƏSƏNƏT MUZEYİNDƏ FƏRDİ SƏRGİSİ

Zurab Tsereteli Müasir İncəsənət Muzeyi 17 Noyabr – 10 Fevral tarixlərində Azərbaycan rəssamı Aida Mahmudovanın Cənnət Gözləyə Bilər adlı sərgisini təqdim edir.

Varlığımızın bütün imkanlarını kəşf etmək üçün incəsənətə və sosial elmlərə müraciət etməliyik. İncəsənətin ümumbəşəri dəyərləri olsa da, onun ədəbi və vizual konteksti sırf lokal olduğunu unutmamalıyıq. Növbəti məqam önəmlidir: İnsanın özünü ən dərindən hiss etdiyi həqiqət bizi ümumbəşəri bir reallığa aparan bədii reallıqdır. Burada Aida Mahmudova bizi mənlik klostrofobiyasından xilas etmək üçün bir növ mənzərəyə, mənzərənin reallığına aparır.

Rəssamın “Cənnət gözləyə bilər” sərgisinin mərkəzində yaratdığı mənzərə reallığı ilk baxışda fərdi və anlaşılması çətin görünsə də, rəssam “mən”in patologiyasını tənqid edir.  Bir tərəfdən həyat bütün anatomik reallığı ilə qarşımızda dayanır, bəzi hallarda isə həyat adi mənzərədən daha çox məna kəsb edir. Ancaq həyatı mənzərədən ayırmağa cəhd etmək də bizi bir növ yadlaşmaya aparacaq. Bütün həyat, bütün şəxsi və ya ictimai tarix bir mənzərədə və coğrafiyada baş verir və yaddaşımızı hər zaman canlandıran bir məkan var.

Mahmudova coğrafiyanın sivilizasiyanın mühüm ölçüsü olduğunu və bu coğrafiya daxilində insanlarla əlaqə saxlamağın mümkün olduğunu bildirir. Sərginin mərkəzində yerləşən iki böyük rəsm bizə coğrafiyadan, onun müxtəlifliyindən və əhəmiyyətindən xəbər verir, həmçinin onun gözəlliyinə və dəhşətinə diqqəti cəlb edir. Başlanğıc və sonun simvolu olan bu rəsmlərdə keçmiş və gələcəyə dair ipucları da var. Yaşımızın fraqmentar strukturu ilə ahəngdə olan rəsmlər orqanizmin bütün təbii dövründən (doğum, həyat və ölüm) sonra ilkin nöqtəsinə qayıtmasını qeyd edir.

Rəssam dünyanı bəşəriyyətə baxaraq təsvir edərkən, özü vasitəsilə bizim ortaq təcrübəmizi də təsdiqləyir. Bu Aida Mahmudovanın çağırışıdır: İncəsənətin gücü ağlımıza, əsəblərimizə, xatirələrimizə, duyğularımıza, nəhayət, ruhumuza xitab edir və təsir edir.  O, dünyadakı varlığımızı öz bədənindən götürdüyü mənfi formalar və onların boşluqda tutduqları həcmlər vasitəsilə ifadə edir. O, həmçinin tavandan asdığı kətan və səth işləri iləümidi çatdırır. Bu mənzərələrdə biz həm xatirələrimizi, həm də gələcəyimizin ipuclarını görə bilərik. O, əsərlərində incəsənətin köməyi ilə maddi və mənəvi şərlərə qarşı mübarizə apara biləcəyimizi, keçmişin, bu günün və gələcəyin ideallarını çatdıra biləcəyimizi bəyan edir. A.Mahmudova bizə sənətin ümumbəşəri əhəmiyyətini və qüdrətini göstərir, belə ki, o, öz əsərləri ilə insanlara onların həyatını, tarixini xatırladır.

İncəsənət dünyanı göründüyü kimi təsvir etmək, ölçmək və təhlil etməklə artıq məhdudlaşmır. A. Mahmudova hesab edir ki, coğrafiya və yaddaş naturalist şəkildə təqdim olunması üçün olduqca mücərrəddir. A. Mahmudovanın əsərləri incəsənətin dünyanın yenilənməsinə töhfə verdiyini ifadə etsə də, o, müasir zaman və məkanın etibarsız və introvert olduğunu qeyd edir. Buna görə də dünya açıq bir kompozisiya olaraq kətanların kənarlarında təsvir edilmişdir. Aidanın əsərləri tamaşaçılar üçün kəşf və özünüifadə vasitəsi ola bilər; o, mənaya qarşı maneələrin aradan qaldırıldığıimkanlara daha açıq və yaradıcı olmağa çağırır.

Özünün cəsarətli və yenilikçi hərəkəti ilə A. Mahmudova bizə bəşəriyyətin lazımi bacarıq və alətlərlə sərhədləri aşa biləcəyini göstərir. Nəticədə sərgi fiziki və konseptual sərhədləri keçməyə çalışır. Bu sərhədləri aşmayınca humanist coğrafiyamız olmayacaq. Əsərlərə yaxından nəzər salsaq, və cəsarət etsək, bunun necə baş verə biləcəyini anlamaq üçün bizə əhəmiyyətli ipuçları verəcəkdir.

Rəssam haqqında

Aida Mahmudova (d.1982, Bakı, Azərbaycan) Bakıda yaşayır və fəaliyyət göstərir. O, 2006-cı ildə Londonda Sent-Martin İncəsənət və Dizayn Kollecinin rəngkarlıq fakültəsini bitirib. Onun Belçika, London, Roma, Nyu-York, Moskva və Bakıda qrup və fərdi sərgilər də daxil olmaqla, beynəlxalq səviyyədə iri miqyaslı sərgiləri keçirilib. Seçilmiş fərdi sərgilərinə daxildir: Liminality (2022), “PastPresentFuture” (2021), "İşığı tuta bilmirəm", Deweer Gallery, Otegem (2017); "Ötüb keçərkən", Leila Heller Gallery, Nyu-York (2015); və "Daxili sakitlik", Barbarian Art Gallery, Sürix (2013). Aida Mahmudovanın əsərləri 55-ci Venesiya Biennalesində "Love Me, Love Me Not" qrup sərgisində (2013) və 56-cı Venesiya Biennalesi çərçivəsində (2015) Artwise kuratorluğu ilə keçən “VITA VITALE” sərgisində nümayiş olunub.

Redaktorlar üçün qeydlər

Sərgi: Aida Mahmudova, Cənnət Gözləyə Bilər

Tarixlər: 17 noyabr, 2022 - 10 fevral 2023-ci il

Ünvan: Şota Rustavelli küç.27, Gürcustan, Tiflis

Mətbuat üçün məlumat və ya sorğularla bağlı

Hökümə Kərimova

Tel.: +994 50 2078007

E-poçt: hokuma.k@yarat.az