09 Noy - 10 Fev 19
SLEYPNİR
8 nəfər performerin iştirakı ilə interaktiv instalyasiya
ağac, metal, diyircəkli yastıqlar, elektromaqnitlər, səs
Musiqi: Pedro Qomes-Eqanya
Mətn: Pedro Qomes-Eqanya
Xorxe Luis Borxesin Alef,
Tur Heyerdalın Adəmin izləri ilə,
Smorri Sturlusonun Heimskringla əsərlərindən götürülmüş fraqmentlər ilə
Bədənsiz baş
O, bütün mümkün bucaqlardan dünyanın istənilən nöqtəsini görə bilər.
Onu sizin əcdadlarınız tapdı. Onlar onu qoruyub saxladı və indi, o, sizindir. O, sizə miras qalıb. Siz onu saxlayırsınız, dizinizin üstünə qoyursunuz və o, sizinlə söhbət edir. Siz onun gördükləri ilə bağlı sizə etdiyi söhbətlərə diqqətlə qulaq asırsınız.
Mən çağlayan dəniz görürəm. Mən günəşin doğmasını və batmasını görürəm. Mən Amerikanın çoxmüxtəlifliyini görürəm. Mən qara piramidanın ortasında gümüşü hörümçək toru görürəm. Mən dağıdılmış labirint görürəm. Mən sanki bir aynada olduğu kimi, özü-özünə baxan sonsuz gözlər görürəm. Mən bədənsiz bir baş görürəm.
Mən, üzüm salxımları, qar, tütün, metal qalaqları, buxar, neft, zümrüdlər görürəm. Mən qabarıq ekvator çöllərini və onların qumlarının hər bir dənəciyini görürəm. Mən insan görürəm. Onun daranmış saçını, hündür boyunu görürəm. Onun beynində xərçəng görürəm. Mən, əvvəllər ağac olmuş bir yamacda bərkimiş palçıq dairəsini görürəm. Mən, Tiauanakodakı qayanın rəngini özündə əks etdirən Araz çayının üzərində günün batmasını görürəm. Mən, Xəzər dənizinin sahilində, dan yeri söküləndə yallı atları görürəm. Mən əqrəbləri görürəm.
Mən, əlin zərif sümük quruluşunu görürəm. Mən istixananın döşəməsində ayıdöşəyinin əyilmiş kölgələrini görürəm. Mən pələnglər, tromblar, bizonlar, axınlar və ordular görürəm. Mən planetin bütün qarışqalarını görürəm. Mən Fars üstürlabını görürəm. Mən bir abidə görürəm. Mən, iylənmiş tüstü və bir zamanlar bədənimin ləzzəti olan sümüyümü görürəm. Mən öz qara qanımın dövr etməsini görürəm.
Mən atamın anamla danışdığını görürəm: “Mən bir adada xəyallarınızın evini quracağam”, o deyir. O, bunu anlamır, ancaq həmin ada əqrəblərlə doludur. Mən anamın gecə evdə oyaq olduğunu, hər bir sağ qalan kölgəni öldürdüyünü görürəm. Onlar isə tez-tez sağ olurlar. “Mən əqrəbləri görürəm”, o deyir. Onlar orada olmadıqda belə. Mən onların çarpayımın üstünə çıxdığını görürəm. Onların gecələr süründüyünü görürəm. Atanızı bu narahat etmir; çünki o, bircə anda uzaq diyarlara səyahət edə bilər. “Bütün dünya sadəcə bir okeandır”, o deyir. Bütün dünya sadəcə bir okeandır. Amma mənim üçün yox. Bu ev mənim okeanımdır və mənim gəmim isə bu gecədir.
*Performans hər 15 dəq. bir təkrar olunur.