03 Fev - 24 Fev 17
YARAT Müasir İncəsənət Məkanı sizi ARTIM Layihə Məkanında keçirilən rəssamlar Hatəm Əlizadə, Mousa Bəyzadə, Əli Həsənov, Novruz Məmmədov, Filipp Messner və Sabit Zamanovun əsərlərindən ibarət “Disfoniya” adlı qrup sərgisini təqdim edir.
Disfoniya (tibbi termin) – struktur olaraq tamamilə normal olan səs büküşlərinin, səsi yaradan qırtlağın və rezonansı yaradan udlaq və ağızın normal funksiyasına və anatomiyasına baxmayaraq insanın uyğun səs çıxartma funksiyasını yerinə yetirə bilməməsi vəziyyətidir. “Disfoniya” adlı sərgi – gündəlik məlumat axınının və səs “çirklənməsinin” artması, eləcə də insanın daxili münaqişələrini və psixoloji durumlarını araşdıran eksperimental layihədir.
Sərgi qavrama qabiliyyəti və bipolyar əhəmiyyəti çərçivəsində müxtəlif şəkildə göstərilən təcridi və təzahürü, sadəliyi və ciddiliyi, yumoru və məyusluğu əks etdirir və həmin kontekstdə urbanizasiyanın, daxili, rəqəmsal və xarici məkanın vizual və səs birləşmələrini yaradır.
ARTIM layihəsinin başlıca məqsədi, ölkənin gənc nəslinin istedadlı nümayəndələrini incəsənət sahəsində karyera qurmağa təşviq etmək, habelə Azərbaycanın gənc rəssamlarına peşəkar səhnədə öz əsərlərini nümayiş etdirmək üçün müvafiq şərait yaratmaqdır. ARTIM layihəsinin İçərişəhərdə peşəkar sərgi məkanı var. Bu məkan, eksperimentlərin aparılmasına və əsərlərin peşəkar səviyyədə nümayişinə imkan verən platforma qismində çıxış edir.
Hatəm Əlizadə
Süni zəka, 2017
İnstalyasiya
Rəssam Hatəm Əlizadənin əsərində tətbiq etdiyi konsepsiya həyatımızda informasiyanın həddindən artıq olduğunu vurğulayır. Müxtəlif kitablarda, qəzetlərdə, jurnallarda və onlayn mediada istənilən suala cavab tapmaq mümkündür. Eyni zamanda rəssam diqqəti fikirlər və düşüncələrin əsaslı olmaq əvəzinə havada uçuşmasına çəkir. İnstalyasiya ənənəvi medianın mənasını itirərək bəzək xarakteri daşımasını əks etdirir.
Mousa Bəyzadə
20.643.643.050 KM, 2017
Səsli instalyasiya
Seyrçi Musa Bəyzadənin səsli instalyasiyasının qulaqcıqlarını taxaraq tam qaranlıq otaqda, hələ 1977-ci ildə yazılmış və Qızıl fondan götürülmüş melodiyanın xırıltılı səslə birləşdirilmiş avazını eşidir. Bu əsər istehza şəklində mədəniyyət strukturunun və ya modelinin süni dirçəlişini göstərir.
Əli Həsənov
Təyinat yeri, 2009
Video, 6 dəq. 8 san.
“Təyinat yeri” videosu İstanbulda ustad dərsi zamanı ərsəyə gəlmiş rəssam Əli Həsənovun performansçı Nadi Tsulukidze ilə birgə layihəsidir. Həmin əsərdə intizar içində qalan və nə etmək lazım olduğunu bilməyən insanın vuayerizm baxış bucağı təqdim edilir.
Novruz Məmmədov
Şəhərin gurultusu, 2017
Səsli instalyasiya
Səs: Sahib Yunaev
Rəssam Novruz Məmmədovun instalyasiyası ilk baxışdan çox tanınan bir əşya - hamam otağının duşundan ibarətdir. O, işə salındığı zaman su əvəzində səs buraxır. İnstalyasiya şəhər məkanının səs müxtəlifliyini tədqiq edir. Bizim sənaye cəmiyyətimizin istehsal etdiyi bəzən narahat, toksinlərin idarə edilməsindən yorulmuş, eyni zamanda isə artıq adiləşmiş, sakitləşdirici və hətta təravətləndirici, yatmış xatirələr oyadan parlaq şəhər həyatından danışır.
Philipp Messner
OT (hibrid), 2012
Animasiya
Filipp Messnerin video əsəri dairəni, öz-özünə törəyən daima fırlanan təkəri yükləmə (gözləmə) işarəsini göstərir. Bu rəqəmsal animasiya işarəsi kompüter prosesi çətinliklə icra edərkən peyda olur. Həmin simvolu real fiziki məkana nəql edərək rəssam insanın virtual estetikanı necə dərk etməsini tədqiq edir.
Seymur Seyidbəyli
Daxili söhbət, 2017
Video, 3 dəq. 11 san.
Seymur Seyidbəylinin “Daxili söhbət” adlı videosu amerikalı psixoloq Erik Bernin alter egonun (başqa bir mən) üç mərhələli nəzəriyyəsində əsaslanıb. Bu nəzəriyyəyə əsasən hər bir insanın alter egosu eyni zamanda bir uşaq, bir valideyn və bir müdrikdən ibarətdir. Valideynin səsi bizi zamana qarşı səbirli olmağa öyrədir. Uşaq səsi emosiyalarla doludur halbuki, müdrik səs bizim hərəkətimizi dəyərləndirməyə çağırır. Rəssam insanın kənardan gələn ideyalara müqaviməti zamanı yaranan daxili münaqişələr anlarında öz-özlüyündə ziddiyyətlər yaradan müzakirələri ifadə edir.
Sabit Zamanov
Ürək. Tərk edilmiş qəlb silsiləsindən, 2017
Gips, məftil, güzgü
“Ürək” heykəltəraşlıq kompozisiyası bir insanın həyatında, keçmişində başına gəlmiş hadisələrdən, gərçək həyatda illər öncə yaşadıqları uğursuzluqlardan bəhs edir. Bu əsərdə “yaşanan” hadisələr həyatda baş vermiş maraqlı, uzun və qısa, dərin, qaranlıq olan yollardan qaynaqlanır. Sonda baş vermiş hadisələrin ürək üzən ayrılığın insanın başına gəlməsi ilə nəticələnir. Bu hadisələrin insanı uzun zamanlar narahat etməsi, özü-özlüyündə düşünərək baş verənlərin səbəbini araşdırması, özünün haqlı və ya haqsız olması, hadisələrin hansı haqsızlıqlar üzündən baş verməsini düşündürür. Həmin zaman insan öz ürəyini tərk edilmiş kimsəsiz evə bənzədir. Qəlbinin kiçilərək, büzüşərək qaralmasına, paslanıb məhv olmasına, daşa dönməsinə ürəyin yaralanmasına, boş və tənha olmasınına gətirib çıxarır. Bu yaralar zamanla büzüşərək quruyub sağalsa da insanın qəlbində çox dərin izlər buraxır, çapıqların və sağalmaz yaraların qalmasına səbəb olur.