Gürcüstan rəssamı Vaciko Çaçxianinin fərdi sərgisi, onun yenicə ərsəyə gətirdiyi yaradıcılıq nümunələrini təqdim edir. Çaçxianinin mifoloji, ənənəvi və irsi ideyaların əsas şəkildə mənimsənilməsinə göstərdiyi böyük maraqla müşayiət olunan immersiv dünyasını yaratmaq məqsədilə, bu sərgi, rəssamın keçmişdə istifadə etdiyi müxtəlif mediaları da bir araya gətirir.
Öz adını sərgiyə vermiş, qurumuş ağaclardan quraşdırılmış monumental meşə instalyasiyası həm antik dövrlərin, həm də digər tarixi keçmişin bir hissəsi olan heykəlləri özündə cəmləşdirir. Taxta pyedestallarda yerləşdirilmiş köhnə, sınıq-salxaq heykəllər, onları qazıyan natamam pazlarla bərkidilib. Bu pazlar onları birtəhər tutub saxlayır, yaxud əksinə, bir-birindən aralanmasına təhlükə yaradır. Bu heykəllər, rəvayət formasında təqdim edilən tarixin dağılıb-itən səhifələrinə və sərginin qalan hissəsi ilə birgə, tarix və mifologiyanın müasir psixologiyanı necə təyin etməsinə istinad edir.
Bu “keçilməz” meşədən azca aralıda, taxtadan hazırlanmış 3 anbar var və onlar Gürcüstanın kənd tikililəri kimi təqdim edilir. Onlardan ikisi, daha iriləri, donuq şüşəli pəncərələri ilə Gürcüstan verandalarını xatırladır. Bu tikililər insanı nostalji hisslərə qapadan istirahət məkanları kimi ailə ilə keçirilən gözəl vaxtlara, insanın fərdi səviyyədə yaşatdığı xatirələrə, onun öz mədəni irsi ilə çətin və mürəkkəb əlaqəsinə istinad edir.
Həmin iri tikililərdən birində, nisbətən kiçik anbarda, Şüşə sümüklər adlı yenicə işıq üzü görən video nümayiş etdirilir. Məşhur gürcü nağıllarının birində, oğul öz anasının ürəyini gerçək olmayan sevgisinə qurban verir. Video bu nağılı tutqun və cəsarətli müasir interpretasiyada, Jak Lakanın psixoanalitik nəzəriyyəsinə rəğmən, əsrlər boyu miflər və folklorun köməyi ilə arzu, həyat və ölüm arasındakı çox incə əlaqə kimi təqdim edir. Rəssam, hər şeyi bilmək istəyi və cəsarətli üslubu ilə, bir qayda olaraq, bizim identiklik, digər sözlə desək, ailə, milli mənsubiyyət və “kimlik” anlayışımıza yoxlanılmadan daxil olan, eyni zamanda əhəmiyyətli təsir göstərən nağılları dərindən təhlil edir.