ƏDƏBİYYAT KLUBU: YARIMÇIQ QALMIŞ TAMAŞANIN AKTYORLARI İLƏ GÖRÜŞ

05 Sen 17

Sentyabrın 5-i YARAT Müasir İncəsənət Mərkəzində Ədəbiyyat Klubu çərçivəsində Yefim Abramov, Leyla Bəyim Cəfərovanın müəllifi olduğu "Xəyalpərvər oğlanlar" pyesi əsasında Azərbaycan Dövlət Gənc Tamaşaçılar Teatrında təqdim olunmuş "Yarımçıq qalmış" tamaşasının yaradıcı heyəti ilə görüş olacaq. Müəlliflər bu əsəri Aprel döyüşlərində həlak olmuş gənc memar Samir Qaçayevin simasında, Qarabağ müharibəsində həlak olmuş bütün şəhidlərə ithaf etmişlər.

Görüş zamanı siz tamaşanın quruluşçu rejissoru, respublikanın Xalq artisti Vaqif Əsədov, əsərin müəlliflərindən biri Leyla Bəyim Cəfərova, baş rolların ifaçıları Elnur Kərimov, Günel Məmmədova, Elşən Rüstəmov, Zemfira Əbdülsəmədova, Manaf Dadaşov və digər aktyorlarla söhbət etmək imkanı əldə edəcəksiniz.

Tədbirdə tamaşadan səhnələr göstəriləcək.

Tarix: 5 sentyabr, 2017
Saat: 19.00
Məkan: YARAT Müasir İncəsənət Mərkəzi, Çoxtəyinatlı zal
Əlaqə telefonu: +99412 505 1414
Giriş sərbəstdir