FİLM KLUB: MURAD ABİYEV DƏNİZ SUYU İÇƏN İT FİLMİ

03 Okt 17

YARAT Müasir İncəsənət Məkanı məmuniyyətlə Sizi müasir kinematoqrafiyanın qeyri-formal müzakirə meydançasına çevrilmiş YARAT Film Klubun növbəti nümayişinə dəvət edir. Bu payız mövsümündə siz xoş və bəzən dadlı sürprizlər gözləyir! Növbəti görüşdə isə rejissor Murad Abiyevin Dəniz suyu içən it filmini seyr edəcəyik. Nümayişdən sonra filmin yaradıcı heyəti ilə görüş keçiriləcək.

Dəniz suyu içən it / 2017 / Azərbaycan / 100 dəq / drama / rəngli

Filmin süjetini tənhalıq və xəyanətdan bəhs edən klassik qadın hekayəsi təşkil edir. Film, British Film Institute və Film Society of Lincoln Center-in rəsmi üzvü olan Calcutta İnternational Cult Film Festival-da Qadınlar haqqında film kateqoriyasında Avqust ayının ən yaxşı qısametrajlı filmi seçilib. Film, həmçinin Women's Only Entertainment Film Festival-ın əsas müsabiqə bölümünün iştirakçısı olub.

Film azərbaycan dilində nümayiş olunacaq.

Tarix: 3 oktyabr, 2017

Saat: 19.00

Məkan: YARAT Müasir İncəsənət Mərkəzi, Çoxtəyinatlı zal

Giriş sərbəstdir

FACEBOOK